گوتار

‎من دڤیا بێژمە پولیسێن ناڤ یاریگەھا زاخو کو ئەز ڕوژنامەڤانم .. بەلێ ژبەر کو وانا ئەز دقوتام، ئاگەھ ژمن نەبین .

‎رۆژنامەڤان دناڤبەرا گەف و ئێشان و کاری دا .

‎ــ مێهڤان مەجید .

‎من دڤیا بێژمە پولیسێن ناڤ یاریگەھا زاخو کو ئەز ڕوژنامەڤانم .. بەلێ ژبەر کو وانا ئەز دقوتام، ئاگەھ ژمن نەبین .
‎دەمێ تو وەک روژنامەڤان کارێ خوە دکەی و ژ نیشکەکێڤە باردوخ ئالوز دبت و دناڤا دوو ھەلبژارتنان دا ئاسێ دبی ، ب تایبەت ل ھەرێما کوردستانێ کاربکەی ، یان دفێت بەردەوامبی لسەر کارێ خوە و زانیاریان ڤەگوھێزی، ئەڤەژی مەترسیێ دئێخیتە سەر ژیاناتە ، یان ژی دفێت دەستا ژ کارێ خوە بەردی وئەڤەژی دورست نینە بو کەسەکێ روژنامەڤان ژبەرکو خەلک چاڤەرێ زانیاریێنن دورستن ژتە .

‎ناڤێ من مێھڤان مجیدە ، تەمەنێ من ٢٤ سالە و نێزیک پێنچ سالایە کارێ روژنامەڤانیێ دکم ل زاخو ، بەلێ قەد بیرا من ناچیت دەمێ رومالا یاریا دناڤبەرا یانەیا زاخو و یانەیا ھەولێر ل یاریگەھا زاخو، پولیسا ئەز گەلەک قوتام .

‎ناڤەراستا مەھا شەباتا ٢٠١٧ ، ئەز وەک پەیامنێرێ دەزگەھێ دواڕوژ چوومە یاریگەھا نیڤدەولەتیا زاخو داکو رومالا یاریا دناڤبەرا زاخو و ھەولێر بکم ، یاری ب دێربیا ھەرێمێ دھێتە نیاسین و ھەرچەند ژی ژ خولا عێراقێ یە ئەف یاری، نێزیک ستێجی یاریگەھێ بووم من سەرەدانا ناف جەماوەری کر بو کو بزانم جوش و خوروشیا جەماوەری ب چ شێوەیە.

‎ھندە دێ یاریی دەست پێکت ئەز ژی وەک ڕوژنامەڤان چوومە وی جھێ خوە یێ تایبەت دناف یاریگەھێ دا کو بو روژنامەڤانایە، نیڤا ئێکێ یا یاریێ ب دۆماھیک ھات و جەماوەر گەلەک تورەیە، نیڤا دووێ ژ یاریێ دەست پێکر و خولەک بو خولەک جەماوەری توند تر دبیت و گوتنێن نە شرین دناڤا بەشەکا جەماوەریدا یێ بلند دبێت و ژ دادڤانێ یاریێ گەلەک تورەنە.

‎گەلەک سەیربی ، من گوت رویدانەکا وەرزشیە و جیاوازە ژ روداینێت سیاسی، من وەسا ھزردکر ھێزێن ئێمناھیێ بتنێ د خوپیاشندان و نەرازیبونادا توندوتیژیێ بکاردئینن ، من بوخو گوت ، دیارە نوکە دێ ب روحەکا وەرزشی چاڤدێریا رەوشێ کن ، بەلێ ب لێبورینڤە رەوش توندترکرن لسەر جەماوەری ، دوخەک وەسا پەیداکرن یاری ژ بیرا ھەمیان چوو .

‎ب ھەر حال یاری بەرەف دۆماھیێ چوو، و شەر و پەفچوون کەفتە ناڤا جەماوەری و ھێزێن پولیسا، د ئەنجامدا مە رومالا وی شەر و پەفچوونی کر، د ئەنجامدا کەفتم بەر ئاخفت و ھێرشێن توند یێن پولیسان، من خوە بو دا ناسکرن، بەلێ وانا ئەز ب تێکدەر نافکرم، ئەڤە دمەکیدایە بتنێ من دڤیا رومال بکم، و ھەتا لێدان ژی من خار و ھاتمە ئێشاندن، دەستێ من یێ راستی وەر گەریا و گەلەک ئێشا.

‎من گەلەک ھەولدا بێژمە وانا ئەز رۆژنامەڤانم و من دفێت رومالێ بکم ، بەلێ رێکا ھزرکرنێ ژی بوخو نەدان ، و چ جیاوازی دناڤبەرا من و ھاولاتیدا نەکر، وەک ئێک ھاتن خەلکێ

‎ژلایەکێ دیڤە گوتنێن نەشرین گوتن و گەلەک ئیھانا من کر و ئەز ئەزیەت دام، من سەرەدانا نەخەشخانا زاخو کر بەشێ تیشکێ و من تیشکەک بوخو کێشا و د ئەنجامدا دەستێ من گەلەک ھەرشی بوو دیسا یەک ژ پولیسان زەربەیەک ل پێت مندا و زێدە زێدە ئێشام و ئێکسەر کەفتم ئەردی، شاھید حالێ من لڤی دەمی ھەڤالێ من یێ روژنامەڤان نەوزاد سیتو بو، و ئەو لسەر رودانێ ئاگەھدارە، دناڤ وان شەر و پەفچوونا ژیدا بوتلێن ئاڤێ ب مە و پولیسان ھاتنە وەرکرن ژلایێ پولیسان ڤە و ئەڤە دەمەکێدایە کو ھەر پولیس بوون ئەگەر کو جەماوەر پتر توند ببیت، دەما یاری بدۆماھی ھاتی من ژێ پێکولا چونا مال کر بەلێ ژبەر ئازارو ئێشان دەست و پیێن خو من نەشیا بەلێ نوزادێ ھەڤالێ من ھاریکاریا من کر ھەتا گەھشتیم مال ، دەما ئەم ب رێ کەتین بو چونا مال دوو پولیسان گەفێن قوتان و گرتنێ ژێ لمن کرن .

‎ھەستەکێ سەیربی ، ئەز وەک روژنامەڤان چووم ، بەلێ وەک ھاولاتیان دانان منن و سفکاتی بمن کرن و ھاتم ژ دەرڤە!

‎من سکالا ل ھێزێن پولیسا تومارنەکر، ژ لایەکێڤە چونکی گەلەک خەپسەبوو و ھند ل پێش چاڤێت من دیار نەبوون و ژمارا وانا گەلەک بوون، دیسا من سکالا تومارنەکر ژبەر ھندێ کو دزانم یا بێ مفایە و ئەڤ دەڤەر د دەستێ دەستھەلاتێ دایە و سکالایا من چ مفا نابیت و دێ ھەر د بەرژەوەندیا وانا دابیت دادگەھ.

‎مە سەربور ھەنە و نمونەیێن بڤی شێوەی دزورن و چ ئەنجام ژی پێڤە نەھاتیە و بتنێ مرۆڤی بخو و دادگەھێ ڤە مژیل دکن و دەمی ژ مروڤی دبن ، ھەڤدەم من پەیوەندی ب سەندیکایا روژنامەڤانا ژی نەکر چونکە سەندیکا تا رادەیەکێ زوور حزبیە و بتنێ خوە ل ووان روژنامەڤانان دکەتە خودان یێن کو سەر ب حزبا وانا ڤەبن و لایەنگرێن وانا بن ، ھەلبەت سەندیکا روژنامەڤانا شیانێن چارەکرنا کێشەیا ژی نینە

زێدەتر ببینە

بابەتێن پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close
Close