گوتار

‎ئەم و ئەو

‎-جاسم محمد طاهر

‎ل سپدەیەكێ دەما ئەز دچووم بو زانكوێ ، هەڤالەكێ من ل ئێك ژ باژێرێن ئەوروپا پەیوندیەكا ڤیدوی ب من كر ، پشتی سلاڤێ گوتە من ، من دڤێت هندەك دیمەنێن قوتابیێن ڤێرێ نیشا تە بدەم دەما دچن بو زانكوێ ،تشتێ من دیتی دێ بحس كەم .
‎ل بەر دەریێ زانكویەكێ یێ راوە ستای بوو ، گوتەمن تەماشەكە ، من دیتن ژ كور و كچان كەس بێ پەرتووك یان چانتە نە دچوو د ژوور ڤە ب جل بەرگێن زوور سادە بوون ، وەسا دیار دكر هەمی بلەز یێ دچن و رێڤە چوونا وان گەرم گوریەك تێدا هەبی و من تێبینیا پێلاڤێن وان كر ، من چ (كعب العالی ) نە دیتن ، من پرسیاركر ، ئەرێ قوتابیێن وێرێ مێكئاپێ دانن؟ ب كەنی ڤە گوتە من ، ئەڤە (4) سالە ئەز ل ڤی باژێری و كارێ من بەرامبەر دەرگەهێ ڤێ زانكوێ یە من چ جارا هەست ب هندێ نەكریە كو سەر و سیمایێ ڤان قوتابیان مێكئاپ كریە .
‎پشتی مەخاترا خو ژێك خاستی و دەما ئەز گەهشتمە بەر دەرگەهێ زانكوێ ، من ڤیا ب چاڤان بەراوردیەكێ بكم ، من گەلەك قوتابی دتین ژبلی موبایلێ چ ددەستی دانینە ، و هندەك ژی هێشتا چاڤێن وان یێ ل خەو گەلەك بێ زەوق و بێ مەرەق دیار دكەن ، هند هێدی یێ قەستا هولێن خاندنێ دكەن تو بێژی یێ پیسا دكەن ، هندەك كچ ژی پێتڤی ب دەهـ خولەكانن حەتا دگەهن هولێن خاندنێ ژبەر پێلاڤێن خویێن بلند نە شێن برێڤە بچن و چانتێ هندەكان ژی هند گرانن ، تێدا تژی مێكئاپ و جلكن یێن بو هەڤالا خو ئیناین دا روژا پاشتر بكە تە بەرخو ، و هەمی دەما پشتی ماموستای د چنە ژوور هێجەتا ژهەمیا بەر بەلاڤ تر ئەز مابووم د خەو .
‎ ئەڤ رەفتار و دیاردێن هەنێ و گەلەكێن دیتر ییێن بوینە پشكەك ژ ژیانا گەلەك قوتابیان ، د راستی دا دیرن ژ بنەما یێن زانستی و ئەركێن فێرخوازی ، ئەگەر چنە ؟ كی بەر پرسە ؟سیستەمێ خاندنێ یان قوتابی، ئەرێ ئەڤ چەندە بویە ئەگەر قوتابیێ مە نەشێت داهێنانا بكەت ؟ چارە چیە ؟ ئەڤ پرسیارە و سەدان پرسیارێن دیتر بێ بەرسڤێن راستەقینە ماینە و پێتڤی ب دیڤچوون و ڤەكولینێن زانستی هەنە ، ئەگەر گەلەك ژڤان دیاردان نەهێنە راست ڤەكرن سیستەمێ خاندنێ و زانست بەرەڤ ئاقارەكێ خرابڤە دێ چیت .

زێدەتر ببینە

بابەتێن پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close
Close