گەشەپێدانا مروڤی

بریارێن رێڤەبەری دناڤبەرا هەدارێ و لەزێ دا

ــ دلدار محمد

ب دەستهەلاتا وێ یەکێ کو رێڤەبەر کەسێ ئێکێ یان پر دەستهەلاترین کەسە دناڤ سازیێ دا ئەڤجا ئەو سازی چ رێڤەبەریەکا میری بیت چ ژی کارگەهەک یان رێکخراوەک یان مارکتەک و دوکانەکا بچویک ژی بیت بەرپرسیارییا گران یا بریاردانێ و ئەنجامدانا کریاران بۆ وی / وێ دزڤریت لەوما ژی ڤی کەسایەتیێ کو دبێژنێ (رێڤەبەر ) گرنگە هەلگرێ چەند ساخلەتەکان بیت ژ وان خودان خودانێ هەدارەکا درێژ بیت
لێ د رێژیێ دا هشیاری دەمی بیت چونکی هندەک جاران هەبونا هەدارا درێژ دێ دەمی بورینیت ئێدی بریار دێ لدەمەکێ سەرڤەچوی هێتەدان و چ مفا نابیت

دەم زور یێ گرنگە بۆ بریاردانا رێڤەبەری لێ ئەڤەژی وێ چەندێ ناگەهینیت کو بریارەکا ب لەز و بەز و تاکانە ب سەپینیت بسەر ئەنجومەنێ کارگێریێ و سێگوشەیا کارگێریێن ناڤ رێڤەبەریێ پشتگوهـ بهاڤێژیت چونکی هنگی ژی دێ ژێیاتیا کارمەندی هێتە ژ دەست دان و بتنێ دێ کارمەند دەمی بورینیت چ نویاتیا ناکەت

بهێنفرەهی زور گرنگە بۆ رێڤەبەری هەتا بشێت بریارەکا ژ پرانیا لایانڤە دروست بدەت و خواندنەکا درست بۆ رەوشێ بکەت ، لێ هەدار کێشانەکا د سنورەکێ بەر عەقل دا ، هەر بونمونە رێڤەبەرێ رێڤەبەریا سوتەمەنیێ ئەگەر هەدارێ بکێشیت هەتا وەرزێ زڤستانێ دبوریت هینگی ئەگەر بریار بهێتەدان ژی و کارژی بهێتەکرن بۆ بەلاڤکرنێ دێ بریارەکا بێ رامان بیت و ئارمانج ناهێتە بجهـ ئینان

لەوما ئاستێ خودان هەداریێ و لەزا د بریاردانێ دا دوو رەوشن هندەک جاران خودانێ خۆ بەرەڤ تاریاتیێ ددەنەرێ و نەدورە پرۆژێ وی یان سازیاوی بەرەڤ هەلوەشیانێ ببەن ، رەنگێ بریارێ و جورێ کاودانێ دهێتە پێش دێ دەست نیشان کەت کانێ ئەرێ لەزێ ب هەلبژێریت یان ژی هەدارەکا سنوردار بکێشیت ، لێ پێدڤیە ل بیر بیت هەر جارەکا ئەڤ هەردوو بارودوخە هاتنەبەروفاژیکرن دێ کارەسات د رێکخراوێ دا روودەن و رەنگە بەرهەمێ وێ شاشیەک بیت کو خویکەکا مەزن بۆ بهێتەدان ، رەنگە ژی پاشەرۆژا رێڤەبەری بخۆ بخیتە گومانێ و بناڤ و دەنگیا وی و رێکخراوا وی بهێتە لاوازکرن یان ژی ژ دەستدان

زێدەتر ببینە

بابەتێن پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close
Close