گوتار

هەڤسەنگیا دەروونی دناڤبەرا خوەشی و نەخوشیا دا .

ــ نیوار موختار

مرۆڤ بونەوەرەکێ ئنتیکەیە، ژلایەکێڤە تێدگەھیت ژیان و خوشی و نەخوشی یە و ژلایەکی دیڤە ھەردەما نەخوەشیەک ب سەردا ھات، دێ بیتە نال نالا وی و وێ تێگەھشتنا بۆ ژیانێ ھەی ژ بیردکەت. لەورا ژبلی دل و مێشکێ خوە بڤان کرێزان ڤە ماندی دکەت، دێ رابیت دەروونێ خوەژی تەڤلی ڤان ئاریشان کەت و خوە پتر بێزارکەت.
ل ڤێرە ھەردەما مرۆڤ خوە د ژیانێ دا ب قارەمان بزانیت، دڤێت بەرەنگاری ھەر ئاریشەیەکێ بیت یا دھێتە درێکاوی دا ب تایبەت گرێدای دەروونی. ئاریشێن دەروونی رۆژانە د زێدەبوونێ دا نە، ئەو ژی ژ ئەنجامێ ڤان کرێز و ئاریشێن رۆژانە خەلک دناڤدا دەرباز دبیت.
ھەر ژبەر ھندێ داکو بارێ خوە سڤک بکەی و پتر خوە ماندی نەکەی، نەھێلە ھەر کرێزەک دروست ببیت بھێت دەرگەھێ دەروونێ تە بقوقیت و تە بێزارکەت، ژبەر کو ب پشت راستیڤە ئەڤ چەندە دێ بارێ ژیانێ و کەداتە زەحمەتر لێکەت و پاشان نەشێی بەشداری ئێک دیوان و جڤات ببی، ژبەر ڤان ئاریشان. وێنێ ژیانێ یێ تە بۆ پێناسەکری، دێ ھێتە گھورین و پاشان دێ نفرینا ل ژیانا خوەکەی..
ھەبوونا ڤێ ھەڤسەنگیا ژیانێ، د خوش و نەخوشیاندا ئەزموونەکە دھێتە درێکا ھەر مروڤەکی دا بۆ ھندێ بزانیت دێ چەند یێ بەرەنگار و بھێز بیت، نە بو ھندێ یە جیاوازیێ بێخیتە دناڤبەرا ھێز و شیانێن مروڤاندا، مادەم مرۆڤ خودان عەقلە، ئێدی پێدڤی ناکت بێژن فلان کەس ژفلان کەسی ب ئاقلترە، بەلکی کێشە دھندێ دایە، مرۆڤ ب رێکا عەقلی وەکو پێدڤی ھزر د دانانا کارو کریارێن خوەدا ناکت.
لەورا دێ بەرەنگاربیت، بۆ ھەر کرێزەکێ و دێ شێت خوە رزگار کەت.

زێدەتر ببینە

بابەتێن پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close
Close