جڤاك

چەوا خێزانەک دێ نمونەیی بیتن؟

بەری ئەم بەحس ل ناڤەروکا خێزانێ بکین گرنگترین خالا ئارامیێ دژیانا خێزانیدا پێک دئێتن ژ لێک نزیکیا ھزری و عەقلی و گونجاندنا دەروونی و تێگەھشتنا لایەنێ بەرامبەر، کو ئەف خالە دبن بیمەو سەرکەفتنا ژیانا خێزانی ،بەلێ گەلەک جاران ژئەگەرێ نەبینا وان خالان دێ بینی خێزان ژ فیردەوسەکێ بەرەف دوزەخەکا بەردەوام دچیت ،دەما زەلامەک د تەمەنێ سەر پێنجی سالیێ دا کچەکا بیست سالی دئینیت ژئەگەرێ ھەبونا پارەی و دەسھەلاتێ ئەو کچە رازی دبت ئەڤە زڤرینەکە بو ژیانەکا بەرزەو مەترسیەکە بو ئایندەیێ وێ خێزانێ، ژلایێ دەروونیڤە پێک ئینانا خ
ێزانێ تنێ کومبینەک نینە دژورەکا چار دیواریڤە و خوارن لسەر سفرەیەکێ،بەلکو رەھەندێن خێزانێ گەلەک ژوێ چەندێژی مەزنترن وەک سونەتەکێ لێ بنێرین،بەری ھەرتشتەکی ستوینەکە بکومەلایەتی بونا تاکی ،چونکی خێزان ئانکو لێک نزیکیا ھزری و ھشیاریا دەروونی یە،ئانکو ھەبونا پەیامەکا ھەفبەشا کەسایەتیە کو دبتن خالەکا ئێکگرتی بو وێ چەندێ خێزانەکا نمونە بیتن لبەرامبەری ئێک ، ئەف چەندەژی ڤیانەکا ڤەشارتی بەرھەم دئینت بو بەردەوام بینا ژیانێ و ئێک قبولکرنێ و گھورینا کەساتیا ئێک بو ئێک جورێ کەسایەتیێ ب پال پشتیا فکری و دەروونی و کومەل
ایەتی بو ئێک مەبەست و پاشی پێک ئینانا خێزانێ، بەردەوام ئافرەت ھەول ددت بایەخ و سەرنجا زەلامێ خوە بو خو رابکێشت و بەختەوەر بکتن بەرامبەری وێ خێزانەک نمونە ھەبیتن،ھەرچەندە ئەگەر ھەردوک کاردکن چ ژدەرڤەبیت یان دمالدا بتایبەت ئافرەت وی دەمی پێتڤی ب حەوانەیا دەروونی و روحی یا ھەی دا بشێن بەختەوەربن،بەلێ ژئەگەرێ فشارا روژانەو ماندیبون و کێمیا پێتڤیان گەلەک زەحمەتە ئافرەت بشێتن خێزانەک نمونە بدەست ڤە بینت ئەگەر قوربانیێ بو نەدت، ئەگەر حالەتەکێ نەخوش ھات پێشیا خێزانێ و توشی گیرو گرفتان بی پێتڤیە تو ژ شیانێن خو کێم نەک�
� و ئازایی و بوێریا خو لبەرامبەر وێ گرفتێ بێخیە کاری داکو ھەفسەنگیا خێزانێ بپارێزی ،بھێزترین فاکتەرێ لێک نزیکیا ژن و مێران(راستگوییە) ھەرچەندە ئەگەر ئەو ئاخفتنا راست یان راستگویی دەما دئێت ڤەگوھاستن تەحلی یان شەھمزاریژی بیتن، راستگویی نیشانا سەرەکی یا خێزانا نمونەییە.زەلام دڤێت جیاواز ژ کومەڵگەھێ ھزربکتن بەرامبەر خێزانا خو چونکی ئەو نەبتنێ ھەفپشکا ژیانا زەلامیە بەلکو ھەفپشکا سوزو ڤیان و ھەستێن زەلامی یەو ئاییندیێ وان ئێکە ژبەرڤێ چەندێ ناچێبت ب چاڤێ خودانکەر و کەسا مالێ بەرێخوبدینێ. چونکی ململانێ کرن و س�
�ر ڕەقی لھەمبەری ئێک دل رەقی و حەسیدی و دل پیسی ل جھێ وێ شین دبت و دکەڤن دحالەتێ گومانلێکرنێ دا بو ھەڤدو.گەلەک جاران دێ زەلام بو یاری و پێکەنین زیرەکی و زەلامینیا خو لدەف خزم و برارەرێن خو لسەر میزاجێ خێزانا خو و بەحسێ بوێری و ئازایەتی و دوو ژنیێ ب یاری پێکەنین کتن بەلێ ئەڤە مەزنترین بریندارکرنا نھێنیا ھەست و ئاگاھیا خێزانا ویە،بەلێ خێزانا وی نەشێت ب ھیچ شێوەیەکی بەرسڤا وی بدت ئەگەر بێ دەنگ بت دێ کەساتیا وێ روختن و توشی ئازارێن ھەستێن خوبیتن،ئەگەر بەرسڤێ بدت بەرامبەر وێ ھەمی یاری پێکرنێ دێ بچاڤەکێ نەفام و
زاروکان بەرێخودنێ.گرنگیدانا زەلامی بو خێزانا وی ئەگەر د بچویکترین خالدا بیت وی دەمی باوەری بخو ھەبون ددلێ ژنێ دا دچەسپیتن، چونکی بنچینەیا ئارامیا خیزانێ گفتوگو وە دەما ھەر ئێک ژ ژن و مێرا ھەست ب بەرپساتیێ دکتن و رێزێ ل داخوازیێن ئێک دگرن وی دەمی دێ خێزانەکا نمونەیی پەیدابتن دویر ژ گەندەلی و نە پاقژیا خێزانێ و رەوشا زاروکی دێ دویربیت ژ خرابی و توندوتیژی و دژایەتیێ چونکی خێزانەکا بەختەوەر یاھەی سوزو ڤیانێ کوم دکت و ب زاروکان دبەخشیت و ل وی دەمی ئەو خیزانەکا نمونەییە .

زێدەتر ببینە

بابەتێن پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close
Close