جڤاك

عیراق.. ژئەگەرا تایفەگەریێ‌ هیچ كریستیانەك ل وەڵاتی نامینیت

د ڕاپۆرتەكێدا ڕۆژنامەكا بریتانی ڕاگەهاندیە، كو ژ ئەگەرا گەفێن گروپێن توندرەو و تیرورستان، هیچ كریستیانەك نامینیتە ل عیراقێ‌.
ڕۆژناما “سەندەی تەلگراف” یابریتانی تیشك ئێخستیە سەر ژیانا خەلكێ‌ كریستیان ل عیراقێ‌ و دایە زانین كو گەفێن توندرەو و تیرورستان بووینە ئەگەر كریستیان وەڵاتێ‌ خۆ بجه بهێلن.
د ڕاپۆرتا ڕۆژناما “سەندەی تلگراف”دا هاتیە: كەنیسا سانت جوزێف ل بەغدا هاتیە چۆلكرن، و ژسەرجەمێ‌ ٥٠٠خێزانێن كریستیان كو دەردورا كەنیسێ دژیان، ٤٥٠ خێزان چووینە ژدەرڤەی عیراقێ‌.
نڤیسەرێ‌ ڕاپۆرتێ‌ ئاماژە كریە نەبوونا یاسایێ‌ ل عیراقێ‌ و بەڵاڤبوونا تایفەگەریێ‌ و ئەڤ هەردوو فاكتەرە، ب ئەگەرێن سەرەكیێن دەرچوونا كریستیانان ژ عیراقێ‌ ل قەلەمداینە.
ل پێشی ژناڤچوونا ڕژێما بەعس ل ساڵا ٢٠٠٣، هژمارا كریستیانان ل عیراقێ‌ زێدەتر ژ ملیونەك و ٥٠٠ هزار كەسا بوون، و نوكە پڕانیا وان چووینە ژدەرڤەی وەڵاتی.
نڤیسەرێ‌ ڕاپۆرتێ‌ مەترسیا خۆ دەربریە، كو ئگەر هەڵمەتەكا هەڤشێوەیا پێشی ١٠ ساڵان ل دژی كریستیان و كەنیسێن وان ل عیراقێ‌ بهێتەكرن، كو دوان ١٠ ساڵاندا گروپێن توندرەو بدەهان كەنیسە سوتینە، ئەو كریستیانێن نوكە ماینە ل عیراقێ‌ ژی دێ‌ كۆچبەربن.

زێدەتر ببینە

بابەتێن پەیوەندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close
Close